Uwa e ktien ka All India Trinamool Congress (AITC), u Saket Gokhale ynne da kob u ya ki heh ka sorkar Meghalaya Democratic Alliance (MDA) wow yañia mar samen hakhmat kiwa pathai khubor ha Shillong.
U Gokhale chwa ynne da kob u ya u Symbood Montri Rangbah, u Prestone Tynsong wow yania wa oo mar samen hajrong i synchaar hapoh jylla. Hajrong ini neiliang u Montri Rangbah, u Conrad K Sangma ong u wa ym tipmit u ya u Gokhale wei ka sorkar ymbien ko wow yañia wa kiwon kiwon ki bru hajrong kiwon kiwon ki kaam.
Hadien ini i klam u Montri Rangbah, u Gokhale da thoh biang u da ka chithi cha kiwa yahkhmat ka sorkar MDA yow kob biang deiwa kylli iyi murieh ka MDA wow yania hajrong kammon pynkrehkaam ya ki Smart Meter, i kreh ya ka Shillong Smart City, i pynkrehkaam ya ka Saubhagya Scheme wa ka bamtooh hei thied kari ha ka chnat pulit.
Da ong u leh wa lada ka sorkar toh kawa kreh hok la kammon kammon uwi u Montri yong ka sorkar toh u nood u wow pynksan deiwa yatai nia wa ka Liang Pyrchah.
