Pyndep ka Raij Barato ya ka Kñia Shiar Wakhu

Ka Sang Sngi Shiar Wakhu ka Raij Barato da pyndep haka sngi Mukso ha ka 27 tarik uni u bnai da u Langdoh wa u Tymmen Waheh.

Ha uni u snem ya kani ka kaam niam da toh ka pali u pyndep da ka jait kur Shadap deilang wa u Sangot Raij, ki Tymmen ki San wa ki khon ka Raij waroh hi.

Related posts

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Daw pynman ya ka Lympung wa 29 ka Seiñ Kyntu Seiñ Raij 12 Daloi ha Seiñ Raij Nongtalang

January 15, 2026

Ya kani ka leh niam da pyndep chwa u hiar ah kba ki khon ka chnong ka thaw wei ya kani ka kñia niam da jooh pynman ya ka man-u-snem ha ka sngi Mukso deilang wa ki rong ki rup ki dieñ ki proh deilang wa u klong u skow, i pyrnah pyrjin waka Pliang Ksiar Pliang Rupa.

Ha kani ka Kñia Shiar Wakhu da ngooh da dem lang ya waroh ki khon ki hajar yong ka Raij wa ki khon ka chnong ka thaw waroh yoh u Trekirot Kynrad u da u kær na ka pylliang ka langthari, yoh u Syiem Sakho u poi yung poi sem dei suk mynsien, yoh u dap snem dap bnai ki khon u Ynñiaw Wasa Wasung.