Ka Jaiñtia Students’ Movement (JSM) ynne ka sngi da wanrah lama ko hakhmat Gate yong ka Kiang Nangbah Government College Jowai dei thmu u pynyoo hakhmat u Lahkmen Rymbui, Montri ka chnat Puræ Puthi ka sorkar jylla yow dawa sorkar College ha East Jaiñtia Hills wei wow pynyoh noh ya ka Scholarship ya ki khynroo khyllood wa lai puræ.
Ka seiñ da yang bait ko ha Gate ya u Lahkmen Rymbui uwa lai cha ka yalang wa pynman ha kani ka College khnang wa manda mih u yow rah ki yaki Placard dawa yong ki hakhmat yong oo.
Hadien wa yoo ki wa u Lahkmen Rymbui da mih liwan u nadien ka College lyngba u sarok Polytechnic khlem da liwan de nei thaw wa psiah, kamtæ da kbai pynrem joor ki wei da kbai leh ya ki mat dawa yong ki wa kynthup u pynyoh College sorkar ha East Jaiñtia Hills District kamjooh i dawa pynyoh noh ya ki Scholarship.
