Ka 1st International Universal Expo namo ka yaaw yadai yathied wa da pynman ha madan Tympang Club Iawmusiang, Jowai kawa da wai haka 21 tarik uni Naikhynde daw pteiñ biang hadooh ka 16 tarik uni u Naichiphaw.
Katkam i pyntip ki bor wa pynlai, da ong ki hei sakhiat da toh u pynkut ha kani ka 6 tarik, tangwa neidaw wa dang shilet ki paidbah wei dang dawa ki ya ki tiar wa ye u yoh na kani ka yaaw, da rai wow pteiñ biang hadooh ka 16 tarik uni u bnai.
Hapyrdi kini ki sngi wow pteiñ du haka 7 tarik, 8 tarik wa 9 tarik donhi ye ki paidbah u yoh ya ka e duna dor wa hadooh 40%.
Kamtæ da khut ki ya ki paidbah u wan mih cha kani ka yaaw yow thied ki ya ki tiar katkam i ngait i yoosuk yong ki.
