Ka seiñ kiwa sikai Contract kiwa da chah pyndooh kreh kawa tip kam ka Meghalaya Government Lower Primary School Contractual Teachers Association (MGLPSCTSA) ynne da yachem ki wa u Montri ka chnat Puræ Puthi, u Lahkmen Rymbui hajrong i dawa wow thung kreh biang ya ki kamwa jooh hi.
U Birbor Riangtem, President ka MGLPSCTSA da pyntip u wa neiliang ka sorkar ym ye ko wow pynhun ya ini i dawa yong ki deiwa klam che wym ye u leh iyi iyi.
Kamtæ u Birbor da ong u wa u lai cha yung leh ym myntoi de wei u chong biat ki hei thaw wa yakhih hadooh wa lai noh na ka sla pyrthai.
Da ong u leh wa ym toh i bakla yong ki kam kiwa sikai neibhah ya ka MTET da pynbna nadooh u snem 2010 tangwa ya kiwa sikai da phah wow yaleh ya kani ka Exam hadooh u snem 2019 wei ki kam kiwa da heh rta ym ye de ki wow yakhun ya kiwon kiwon ki Competitive Exam.
