Amlarem: Ka Directorate of Field Publicity, Govt. of India Jowai Unit, hei ya krehlang wa ka SDO (Civil) Amlarem Sub-Division, Primary Health Centre Pdeiñchkap, ICDS Project Amlarem Sub-Divison, AIR Jowai, ki ASHA, ki School, ki NGO wa ki wa krehkaam ka chnong Pdeiñchkap ynnin ka 19 tarik da pynman ki ya ka prokram e sikai wa chi sngi hajrong ka Mission Indradhanush & RMNCH+A, ha Dorbar Hall yong ka chnong Pdeiñchkap.
I thmu wa kongsan yong katai ka prokram toh wow e yutip wa bniah cha kiwa chnong chnong hajrong wa emkaam u e injekchon wow yada na ki kjut wa boon jait khamtam ya ki khynnah, ki khonboo, ki manbei kamjooh kiwa dang khynroo.
Ha ka tai ka prokram ka kong J. Kharpuri, MCS Magistrate Amlarem Sub-Division da man ko kam ka kongsan. Kiwi de kiwa e yei klam ha ka tai ka sngi kynthup ya Dr. H. Synmon, Medical & Health Officer i/c, Dr. M. Toi, Medical Officer, kong C. Garod, Public Health Nurse ka PHC Pdeiñchkap Village wa ka kong H. Swer, Supervisor of ICDS Project Amlarem hajrong ka Mission Indradhanush and Vaccines Preventable Diseases, Adolescent health and Teenage Pregnancy and Nutrition.
Ha ka jooh ka sngi da pynman ya i saam ya ki dawai wa ka Health Mela neibynta ki manbei wa ki khynnah khian.
Da pynman leh ya i lai paidbah iwa chim bynta da ki kynnnah skur, ki ASHA, kiwa sikai, ki waheh chnong wa kiwi kiwi de.
Da em leh ka yakop chaad tynre na ki khynnah skur, da saam leh ya ki DAVP booklets kamjooh ya ki khusnaam cha ki wa jop ha ka tai ka sngi kawa da wan sakhi hadooh 500 ngut ki wa chong chnong ka thaiñ.
Discussion about this post