Hadien wa da pynbna ka sorkar wow wanrah ya ka National Law School University ka Meghalaya, neiliang kiwa boon ki seiñ na ri-loom Jaiñtia wa kynthup ya ka Society for the Study of Law, ka Jaiñtia Students’ Union, ka Jaiñtia Students’ Movement, ka FKJGP Jaiñtia Hills Zone, ka KSU Jaiñtia Hills, ka Synjuk Ki Waheh Chnong Jowai wa ka Synjuk Ki Waheh Chnong Ri Jaiñtia da dep ki wow e dorkhat cha ka sorkar yow booh ya kani ka National Law School University hapoh ri-loom Jaiñtia.
Ini i dawa toh wa wot hadien 50 snem i yoh jylla tangwa hadooh katni leh ym em tang ka wi leh ka thaw puræ yong ka jylla lane yong ka ri wa em hapoh ri-loom Jaiñtia.
Kamtæ yow booddien ya ini da chna da ka National Law School University Demand Committee wa kynthup lang ya ki seiñ wa yakhih neibynta ini wei daw pynman biang ya ka yalang paidbah ha kani ka 15 tarik heipor 12:00 waje i sngi ha yungwalieh ka Dorbar Chnong Tpep Pale.
Puræ leh: Da sdang da ka Demand Committee wow dawa National Law School ha Ri-loom Jaiñtia
