Ka yung krehkaam u District Statistical Office, West Jaiñtia Hills ynne ka ka sngi kam chibynta wow chim yukheiñ yei yoh i kot da pynman ko yaka e sikai namo ka Workshop wa chi sngi yow pynsñiawthooh ya ki bru ha kiwa boon rukom heiyatoh wa i rukom chim yukheiñ yudiah namo ka Sensitisation Program on Various Statistical Indicator.
I pynman ya kani ka Workshop man ko leh chibynta yow tip yow sñiawthooh ki paidbah wei u chem sap heiyatoh wa i rukom chim yukheiñ yudiah.
Ha kani ka sngi ki bru chemphang wa da e i klam pynche wa bniah kynthup ki ya u B.G. Monin, Research Officer, Directorate of Economics & Statistics, Meghalaya Shillong uwa da klam hajrong ka phang Agriculture Statistics.
Da yoh leh i klam i batai na u R. Sumer, Deputy Director Directorate of Economics & Statistics, Meghalaya Shillong uwa da klam hajrong ka State Domestic Product/State Income.
Haka yalang wa pynlai daka S. Suting, Sub-Inspector of Statistics, Thadlaskeiñ C&RD Block, da yoh i klam pdiang na u T.L. Shullai District Statistical Officer, West Jaiñtia Hills Jowai katwa yei klam e khublei da yoh na u C. Buam, District Statistical Officer, East Jaiñtia Hills Khliehriat.
