U Shnalad Rymbai u wa jooh man kam u President warim yong ka seiñ Jaiñtia Students’ Movement (JSM) Eastern Region da uiñ biang u cha ka seiñ ynnin ka 14 tarik hadien wa da chongngiah u kam u uwa yahkhmat ka seiñ kamwa la chi snem tam neidaw samen yong oo.
Ha i pynsmai ya oo da u President wa khliehdooh yong ka seiñ, u Lening Star Rymbai ha ka yalang wa man ha yung krehkaam yong ka seiñ ha Khliehmyntriang chirup i emlang kiwa hakhmat yong ka seiñ da pynsñiaw u wa kam ka seiñ hi waroh kawi dap ko dei kmen u pdiang burom sa chisien ya uwa yahkhmat warim yong ka wa da wan biang u dei thmu yong oo wow pteiñ biang yei kaam chakri ha ka imlang sahlang kam ha ki por wa da dep.
Kyrmen u leh wa u nang ye chooh chooh kam ka seiñ u lehbha ha chiboon ki liang. Ha kani ka sngi da pynskhem leh ya oo kam u Publicity Secretary ka Central Body.
