Ka Amlarem Sub-Divisional Sport Association (ASSA) ynne ka sngi da sdang ko ya ka Amlarem Football League 2022 heiwa da wan wai pyrda ya ka da u Lahkmen Rymbui, Montri sorkar ha madan Mini Stadium ka Ladjaplem.
Ynne ka sngi sdang da pynman chwa da ka yalehke ka Super League heiwa ka Amkoi SC da yachem ko waka Seinbhalang Shkentalang heiwa ka Shkentalang da jop ko da 1-0 da ka kool wa thap u Kloihi Rasmut lyngba ka Penalty ha ka minit wa 65.
Hapoh kani ka Super League da em 8 tylli ki dhab.
Hapoh kani ka Football League 2022 da sdang leh heijooh i por ya ka Upper Division kawa em 16 tylli ki dhab waka Lower Division kawa em 40 tylli ki dhab.
Ynne kam ka sngi sdang da khut leh uwi na kawi ka dhab wow wan mihkhmat yow chimbynta hei wow chim yei smai namo ka Pledge ka ASSA.
