U MLA ka Jowai, u Wailadmiki Shylla ynnin ka sngi da wan pynlait u ya ki Ticket khle nasib ka Synjuk Waheh Shnong Ri Jaiñtia, ya kiwa daw pynkle ha ka 19-11-2022 ha ka chnong Thadmuthlong Phramer C, West Jaiñtia Jills.
Ha ka sngi pynkhle daw em ka Fete wa da pynkreh da ka synjuk hei sngi heiwa daw em ka yadaw masi wei wow pynbood won ki dhab tem (Band) hei miet deilang wa ka DJ Night.
I thmu wow pynman ya kani ka Fete toh wow pynmih poisa ya ka synjuk neibynta wow thied thaw wow chna ya ka yung krehkaam ka synjuk wa kiwi ki kaam wa ka synjuk kreh ko ha i lai luti cha ka sorkar neibynta ki kaam pynroi ha ka Ri Jaiñtia wa kiwi kiwi.
Ki Prize yong kani ka khle nasib (Lucky Draw) man ki kamni hawah:
1st Prize-1,00,000
2nd Prize-T. 50, 000
3rd Prize-T. 30,000
Chooh chooh ka synjuk da kyrpaad ko ya ki dorbar chnong wow sñiawbha u pynlait ya kani ka sngi wada booh ka synjuk neibynta ka Fete khnang wow man ko kawa chongchit wa kawa jop.
Kani toh katkam ka Wyrta na u Tellme Phawa, Secretary ka Fete Committee.
