Ka seiñ Jaiñtia Hills Truck Owner Association (JHTOA) da kyrpaad wei da pyntip ko cha waroh kiwa jooh ya krehlang neipor cheipor wow sñiawbha wym toh u pyndik ya ki Truck wa lai luti tymbud yong u sarokbah khamtam ha kini ki por tlang wa toh i por kreh wa kam kiwa booh Truck hap ki wow kreh chitom khnang wow ye u su ya ka ram kari.
Neidaw wa ha ki por liyur ki kari hap ki wow chong sngi neidaw wym yoh u khih u khan wei ha wym biang ki mar ha ki karkhana pynmih khyndaw-bilat neidaw yong u slap.
Ka seiñ da pyntip ko wa kattæ dang em boon ki kari kiwa dang sah hei su ram, kamtæ da kyrpaad ya kiwa jooh pyndik wow ya krehlang phi.
Da kyrpaad leh ya ka chnat PWD (Roads) kamjooh ya u Montri wa pait ya ki sarok wow sñiawbha u pynchna noh ya u sarok nadooh na Jowai Bypass chadooh Mawryngkneng neibhah u sarok da man u uwa sih cha palat kamtæ da wanrah yei eh hei lai i wan ki Truck wa ki kari khian leh kamjooh neibhah da wanrah i leh yei sahkut kari wei teiñ teiñ hadooh wa kylla ka kari neidaw wa sih palat u sarok wei da booh hei eh khamtam hawa kjut wa chitom.
Kamtæ da ong wa neidaw wa ki sarok man ki ki budloom da kyrpaad wow sñiawbha u chna smat yow pynsuk yei eh kiwa lai luti na uni u sarok, pynkut ka Wyrta na u President wa u Secretary ka JHTOA.
