Ka President ka ri India da jied ko ya u Dr. Justice Dhananjaya Yashwant Chandrachud, Judge ka Supreme Court wow man noh u kam u Chief Justice ka India nadooh ka 9 tarik u Khonchonglad (Nov), 2022.
U Dr. Justice Chandrachud u man u kam u Chief Justice wa 50 ka India.
Ya oo da kha ha ka 11-11-1959 wei da man u kam u muktiar ha ka 20-07-1982 hadien wa dep u wow lai puræ LLM wa SJD na Harvard Law School. Da jooh man u leh kam u Chief Justice ka Allahabad High Court wa u Judge ka Bombay High Court, wei da pynku kyrdan ya oo kam u Judge ka Supreme Court ka India ha ka 13-05-2016.
Da man u leh kam u Guest Lecturer ha Harvard Law College, Yale Law School, Australian National University wa ka University of Witwaterand, South Africa. Da chah khut u leh wow klam kam ha ka United Nations High Commission on Human Rights, ka World Bank, United National Environmental Program, Asian Development Bank waka Association of Asian Constitutional Courts.
U Justice Chandrachud ha ki 6 snem wa em u ha ka Supreme Court da embynta u wow pynmih ya ki hukum wow pyndooh kheiñ pyrchah aiñ yei ya maya para chynrang, para kynthai, i klim kurim, i chah yoobeiñ ki kynthai wa kiwi kiwi de.
