Ka Ministry of Youth Affairs & Sports ka sorkar pyrdi da khut ko wow pyndap pyrtuid neibynta ka National Youth Award 2020-21 lyngba ka Awards Portal: https://awards.gov.in/ nadooh ka 15 tarik uni u bnai hadooh ka 6 Khonchnglad (Nov) 2022.
Ki kyndon neibynta kini ki Award ye wow yoh na kani ka Website.
Ka Ministry of Youth Affairs and Sports, jooh e ko ya ka National Youth Awards (NYA) man-u-snem ya ki 25 ngut wa 10 tylli ki seiñ (Voluntary Organisation) hajrong ka thong wow pynchlur ya ki bru kiwa em hapyrdi 15-29 snem kiwa da paawnaam neibynta ki kaam yong ki wow chakri ya ka imlang sahlang, wow pynchlur ya kiwi wow em i mynsien bahkhlieh ya ka imlang sahlang wei kamjooh leh wow tipmit ya ki seiñ kiwa chakri ya ka ri wa ka imlang sahlang.
Kani ka Award da e neibynta ki kaam wa kynthup ya i chait i khiah, wow pynku ya ka imlang sahlang, i chemphang, i rukom im ki jaitbru, wow pynchlur ya i hok manbru (Human Rights), i rukom sumaar bru tynre, ha ki kaam Sports, i stat i tip wa kiwi kiwi.
Kani ka Award kynthup ko ya kini hawah:
Ya ki khynroo daw e ya ka takma (Medal), Certificate wa ka poisa T. 1,00,000.
Ya ki seiñ: Ka takma, Certificate wa ka poisa T. 3,00,000.
