ka KSU East Jaiñtia Hills District ha ka 15 tarik uni u bnai da yoh ko wow yachem wei da booh leh dei thoh ha u Deputy Commissioner ka East Jaiñtia Hills hajrong i chah kyntait ki kattu katni ki khon khynroo wow thap pyrtuid yaleh kreh iwa da pynman da ka Civil Defense & Home Guard Department.
Ka seiñ mar ya tip ko yeini da lai yachem ko wa u DC yow paan pynche hajrong ini i rukom leh neibhah wym em mih kawon kawon ka Advertisement hajrong ini i lait kaam ha kiwon kiwon ki kot khubor wei neiliang u DC leh ym tip u iyi iyi hajrong ini.
Ini waroh da pynphylla ko ya ka seiñ hadooh wa u khlieh ka District leh ym tip u yeini neibhah kani man ko leh ka chnat sorkar.
Ka seiñ da dawa ko na u DC wow thooh bniah hajrong ini wei wow tuklar leh kamjooh yow em i thung kreh wa khooid yow lait ki khynroo khyllood u dooh ki yei hok yong ki.
Neiliang u DC da kular u wow chimkhia yeini wei wow pynbait yeiwa emkaam.
