U Montri Rangbah ka Meghalaya, u Conrad K Sangma ynnin ka sngi da pynbna u wa kiwa yoh myntoi hapoh ka FOCUS Scheme kattu u man ko leh neibynta ki seiñ ki warep namo ki Producers Group wa em cha ki thaw wa man sor ka jylla.
Ki Producer Groups kiwa em 10 ngut chaneiñ ki dkhot daw yoh yarap ki mar T. 5000 samen.
“Kiwa thaiñ, kiwa chna achaar ye ki wow emlang hapoh ka Producer Group neibynta ka FOCUS ha ki thaw wa man sor. Hadooh ki seiñ khynroo leh ye ki wow chna ya kam kani ka seiñ,” da ong u Conrad ha ka yalang wa da pynman ha Baghmara, South Garo Hills yow lehkmen yei jop i pynkrehkaam ya ka FOCUS.
Heiyatoh wa ka FOCUS+ da ong u wa daw pteiñ yei thap pyrtuit hadooh ka 30-11-22 wei ha ka tayaw nyngkong u Kmaichonglad (Dec) daw sdang wow phah ya ka poisa kawa daw phah chwa nyngkong T. 1000 hadien wa dep u thap pyrtuid katwa ka T. 4000 won daw phah ha ka tayaw wa nyngkong u Kmaichonglad.
Hapoh ka FOCUS wa FOCUS+ daw em 4.5 lak ngut ki bru ha waroh kawi ka jylla kiwa daw yoh myntoi wei ka sorkar da booh bhah ko T. 500 klur yow leh yeini.
Ha kani ka yalang u Conrad da saam u leh ya ki Cheque cha ki SHG kiwa dapoi T. 2.15 klur napoh ka Community Investment Fund neibynta uni u snem mang tyngka.
Da saam leh 1000 tylli ki khon sniang cha ki 250 ngut kiwa yoh myntoi, ki syiar Kroilar cha ki 30 ngut wa T. 4 lak da saam cha ki 7 tylli ki seiñ khynroo hapoh ka ‘YESS’ Programme.
