Kam chibynta i lehkmen ya ka Azadi Ka Amrit Mahotsav, ka yung krehkaam ka District Sports Officer, West Khasi Hills District, Nongstoin deiwa ya krehlang wa ka District Sports Promotion Society, West Khasi Hills District, Nongstoin ynne i step da pynman ya ka yaphet Marathon kawa da tip kam ka Fit India Freedom Run 3.0 ya kawa da sdang na ka yung krehkaam u Deputy Commissioner ka Eastern West Khasi Hills District, Mairang.
Ha kani ya yaphet Marathon kawa 8 Km da wan wai da u Additional Deputy Commissioner ka Eastern West Khasi Hills District, Mairang, u A. Nongbri wei da wan chimbynta 65 ngut kiwa phet wa kynthup ya ki kynthai wa chynrang ka thaaiñ.
Neiliang ki chynrang da jop da u Shainingstar Marwein, wa ar da yoh da u Mebansainborlang Pathaw wei hei wa le da yoh rah da u Rahjopkordor Lyngdoh, katwa neiliang ki kynthai, ka Balasiewdor Pathaw da yoh nyngkong ko, ka Mebarisha Lyngdoh da yoh wa ar ko katwa ka Ibashongkun Kurbah da yoh ko hei wa le.
Kiwa yoh nyngkong da yoh ki T. 5000, kiwa yoh wa ar da yoh ki T. 3000 katwa kiwa yoh wa le da yoh ki T. 2000 samen.
