U Montri Rangbah ka jylla, u Conrad Kongal Sangma hadien 3 tayaw wa kiwa sikai Contract wa yakhih da chah kawang ki da ki bomb pynjhia khmat, da ong u wa man iwa eh ya oo wow ong iyi iyi hajrong itai i jia, neibhah katkam ka yutip wa da yoh, kiwa saikai da pynman ki yei yakhih ha ka 6 tarik uni u bnai khlem da yoh bor wow toor cha ka Secretariat.
Da ong u wa ha i por wa kiwa sikai da toor ki cha ka Secretariat ye u man wa ki pulit ha itu i por da sñiaw ki wa i pynjhia khmat toh ka luti wa biang yow pynpra ya kiwa sikai wa yakhih yow lait na kiwi ki jia. Da ong chooh chooh wa lada pynbait bha kam kini kiyi kiyi ym jia ki.
U Montri Rangbah da ong u wa man iwa em eh wow ong chiboon neibhah ym da tip bha u wa kammon wa jia waroh tangwa da ong u wa sorkar dang yang ko ya ka Report na ki bor District hajrong itai i jia.
Ha iwi won i liang, u Conrad da ong u wa ym sñiawsuk wow em kiwon kiwon ki huri hura, wei neiliang ka sorkar da pyrchang ko wow pynbait yei eh kiwa sikai Contract deiwa e laad leh wow pynyinsur yei rta yong ki wow yakhun biang ya ki Exam.
