Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da poi ko cha ka yalehke wa arphaw-soo ynne ka sngi.
Ka yalehke wa da pynman toh hapyrdi ka Luti Tuber Ialong SC waka Chutwakhu SC wa da jop da ka Luti Tuber da 3-1.
Ka Chutwakhu da yoh ko wow thap nyngkong ha ka minit wa 35 lyngba u Raplin Ramut kawa da neh hadooh wa kut ka kylla step tangwa ka Luti Tuber Ialong da ye ki wow su le kool chwa wow kut ka yalehke lyngba u Manbha Dhar ha ka minit wa 80 wa 85 minit wa u Masan War ha ka minit wa 90+1.
Ka yalehke mynstep u man ko hapyrdi ka Nangbah Iawmusiang SC waka Mukhla Evergreen SC heipor 2:30 i sngi.
