Ka Khliehriat Bar Association (KBA), ynnin ka 31 tarik da jied ko ya kiwa kitkaam wa thymme yong ka ha ka 4th General Election neibynta ka samoi krehkaam 2022-2024.
Ha ka Election da jied ya u muktiar, Shitmon Pdang kam u President, ka Miranda S Bareh kam ka Vice-President, u Kynjaimon Amse kam u General Secretary, u Wandajop D Sympli kam u Assistant General Secretary, ka Rimaya Manar kam ka Finance Secretary, u Shibaitshwa Lyngdoh kam u Publicity Secretary, ka Aida Mary Nongtdu kam ka Office Secretary Cum-In-Charge Library, u Jimmy Pdang kam u Sport Secretary katwa u N.D. Sarkar, ka Esther Nongtdu wa ka Balamon Shylla kam ki Executive Member.
Ya ka 4th General Election ka Khliehriat Bar Association (KBA) da pynlai da ka Independent Election Committee, kawa kynthup ya ka Ida Rymbai ka District Informatics Officer, NIC, East Jaiñtia Hills District kam ka Chairperson, u Teibormi Kyndiah, District Child Protection Officer ka East Jaiñtia Hills District, u Wanbhalang Buam, District Co-ordinator, Swachh Bharat Abhiyan, East Jaiñtia Hills District wa u Heimonmi Tyngkan, Department of Food Civil Supplies & Consumer Affairs, East Jaiñtia Hills District kam ki dkhot ka Committee.
Ya i jied ya kiwa kitkaam wa ki Executive Committee da leh lyngba ka Secret Ballot ha kamra ka Khliehriat Bar Association wa em ha District & Sessions Court Building, Khliehriat.
