U Jason Passah da ki kynta man-ka-sngi da pynpliah u ya idæ wow yaleh Golf wow dat ya ka bol cha jngai kam chibynta wow pynkhreh wow lai chimbynta ha ka 2nd North East Olympic Games 2022 kawa daw pynman ha uni u bnai.
U Jason Passah toh uwa khian rta dooh na ki 14 ngut (chynrang wa kynthai) kiwa yalehke Golf ka Meghalaya kiwa daw chimbynta ha kani ka lympung heiwa ya ka Golf u sdang ha ka 10 tarik uni u bnai wei daw pynkut ha ka 13 tarik ha Shillong.
Da booh bhah wow chimbynta 70 ngut kiwa yaleh Golf na ki 8 tylli ki jylla iwa man mar 14 ngut kawi ka jylla heiwa ka Meghalaya, Assam wa Manipur da phah ki mar 14 ngut.
Ka Assam daw man ko kawa khor bha, da ong u Jason Passah hanla kattæ leh sñiawskem u wa ka Meghalaya em ko kiwa yalehke wa biang wei ha ki soo sngi emkaam wow man kiwa ryntih kiwa ye u lehbha.
Ha uni u snem da man ko ka sien wa nyngkong wa da pynman ya ka Golf ha ka North East Olympic Games heiwa u Rudi Warjri, Event Coordinator da ong u wa ka Golf dapoi chwa ko cha ka North East chwa u poi ko cha USA tangwa ym em u ye i wow chim kabu ya ini.
Da ong u leh wa ka Shillong Golf Course toh kawa da em nadooh ki spah snem wa 19 kawa man leh kam ka 18 Hole Golf Course kawa man leh kawa khor ya kiwa ym jooh myllien wow lehke ha ka ka, kamtæ kiwa yalehke ka jylla daw ye ki wow chim kabu ya ini.
