Ki seiñbhalang kiwa da pynbna da ka yakhih Save Hynniewtrep Mission ynne ka sngi da yachem ki ya u Symbood Montri Rangbah ka jylla, u Prestone Tynsong hajrong ki 9 tylli ki mat dawa.
Neiliang u heh ka SHM, u Robertjune Kharjahrin da ong u wa ki seiñ da yaklam ki hajrong boon tylli ki mat wa kynthup ya i pynbait ya u pood ha ka kylla wa ar.
Da ong u wa katkam i klam wa u Symbood Montri Rangbah da sñiawthooh wa man iwa eh wow pyndep ya i pynbait pood chwa ka Election.
U President ka HYC da pynsñiaw u yei sñiawsih wa ki Regional Committee ki ar jylla ym chong yalang de ki hanla i por wa da booh hapoh 45 sngi da toh wow yachem hadien i yaklam ki 2 ngut ki Montri Rangbah ha u Naikhynde uni u snem neidaw wa da em i pynslem na ka sorkar Assam, wei katkam ka yutip ka Assam ympu thung ko ya ki Regional Committee.
