U Montri ka chnat i chait i khiah ka jylla, u James PK Sangma hei emlang ki paidbah wa chong chnong ha kani ka 7 tarik uni u bnai da booh mooyurim u wow chna ya ka Bajengdoba Community Health Centre, North Garo Hills.
Ha kani ka sngi da emlang u MLA ka Bajengdoba, u Pongseng Marak, u Deputy Speaker wa u MLA ka Resubelpara, u Timothy D Shira, u MLA ka Kharkutta u Rupert Momin wa kiwi kiwi.
U James P.K. Sangma da sñiawkmen u wow pynku kyrdan noh ya kani ka PHC kawa la 32 snem cha ka CHC. Da yaroh u leh ya i raikut u Pongseng R. Marak uwa da chimkhia wow booddien ya ini i kaam.
Da khana u leh ya ki kaam wa da leh hapoh ka chnat heiwa ka MHIS da pynku ya ka na ka T. 5 lak cha ka T. 5.30 lak, da pynmiat ya ki OPD, i su poisa Online ya ki ASHA wei da pynlait T. 8 lak cha ki Health Centre yow pynmiat.
Chooh chooh da khana u wa ya ka soskular MoU wa ka sorkar Tamil Nadu wow hikai ya kiwa kreh ha i chait i khiah, wow chna ya ka Shillong Medical College wa kiwi kiwi.
