Ka Hynniewtrep Youth Council-Education Wing deilang wa ki khynnah khynroo wa lai puræ da pynbna ki wow mih paidbah mynstep ka 10 tarik wei daw tyngkheiñ ki ya ki kyndon yong ka Section 144 CrPC kawa dang krehkaam hapoh sor Shillong neibynta wow dawa na ka sorkar wow pynlait noh ya ka bai baam namo ka Scholarship yong ki kawa dang sahteiñ yong u snem 2021-22.
U Enlang Sawian uwa man kam u Secretary ka Education Cell yong ka HYC da ong u wa ki khynnah khynroo kiwa em 700 ngut ym yohsa ki wow mih paidbah mynstep ka sngi neidaw wa leh mutlop ka sorkar.
Da khana u wa neiliang ka seiñ da paan bor ko naka Deputy Commissioner ka East Khasi Hills, tangwa hadooh kattæ ym pu yoh yei jubab. Da ong u wa lada neiliang ki bor District ym e bor ki, ki khynnah khynroo da rai ki wow lai chakhmat wei ini i mih paidbah daw sdang heipor 1:00 waje i sngi na Madan Ïewrynghep, Laitumkhrah chadooh Additional Secretariat.
