Ynne ka sngi da pynman ya ka Dorbar Tlang ka Jaiñtia Hills Autonomous District Council heiwa da wanrah ya ka bynta Question and Reply wei da pynbood ya i kynmoo warom ya ki MDC warim kiwa da khlaad.
Ha ka Dorbar da wanrah leh ya ka bui (Report) yong ka Council.
Da wanrah leh ya ka bynta wow sdang ya ka House Committee heiwa u Dr. Sankey Shangpung u man u kam u Chairman, u Het Pohthmi kam u Vice Chairman, ki dkhot won u kynthup ki ya u Awhai Andrew Shullai, u Lakhon Biam, u Saron Paswet wa u Aiborlang Shadap.
Ha kani ka sngi da wanrah yaklam leh ya ka bui yong ka Comptroller and Auditor General (CAG) of India yong u snem 2011-12 wa 2012-13.
Hawa yaklam ha kani ka bynta wa yatoh wa ka bui ka CAG, kiwa boon ki MDC da pynsñiaw ki yei emkaam wow booh yukheiñ dei miat ya i rukom pynemkaam poisa ka Council.
Chooh chooh da em ki MDC wa pdiang yei tyrwa ka CAG wow phah hikai ya kiwa kreh khnang wow tip kammon u pynemkaam hok ya ka poisa wa da yoh.
