U Deputy Commissioner ka West Jaiñtia Hills, u B.S. Sohliya, ynne ka sngi da saam u ya ki Draft Electoral Roll cha ki soo Constituency kitæ ka 1-Nartiang Assembly Constituency, 2- Jowai Assembly Constituency, 3-Raliang Assembly Constituency waka 4- Mowkaiaw Assembly Constituency heiwa da wan pdiang ya ini da kiwa mihkhmat ki seiñ saiñhima ha ka yalang wa da pynman ha Conference Room u DC ha Jowai deiwa emlang ka Additional Deputy Commissioner, ka D.D. Syngai.
Neiliang u Deputy Commissioner da pynlait u leh ya ka SVEEP Awareness Video chaphang ka Special Summary Revision wa da ak da ki ‘Chi Iung.’
U DC da ong u wa kani ka Electoral Roll toh yow pyntikna wa waroh kiwa chong chnong kiwa da dap 18 snem hadooh ka 01-01-2023 u em pyrtuid ki kam kiwa thap Vote wei wow pynchlur leh ya ki wow wan ki chakhmat wow thap pyrtuid deiwa lai cha ki Polling Station yong ki, kamtæ da khut yei ya krehlang waroh ki seiñ saiñhima yow pynman ya ini waroh iwa khooid.
Neiliang ka D.D. Syngai, ADC (Election) da ong ko wa ya kani ka Special Summary Revision Process u sdang nadooh myntu ka sngi wei daw pteiñ hadooh ka 08-12-22.
Da khana ko leh wa yow thap pyrtuid hapoh ka Electoral Roll, u ujor ya ki pyrtuid wa em lane iwon iwon ye wow pyndap da ya ka Form 6, 6A, 7 wa 8 katkam wa emkaam.
Da ong ko leh wa kani ka Special Campaign da man ko neibynta kitu kiwa daw dap 18 snem ym du ha ka 01-01-2023 tangwa ha ka 01-04-23, 01-07-23 wa ha ka 01-10-23 heiwa kini ye ki wow wan chakhmat wow thap pyrtuid deiwa pyndap ya ka Form-6 wei daw pyndep yeiwa emkaam katkam wa toh i por.
Ya kani ka Revision Special Campaign daw pynman ha ka 18, 19, 25 wa 26 tarik uni u bnai heiwa ki BLO daw em ki ha jar jiar ki Polling Station yow yarap.
Yei thap pyrtuid wa kiwi ki jait pynkylla ye wow leh Online ha https://www.nvsp.in/. Ye leh wow Download ya ka Voter Helpline App.
