Ki rangbah wa paawkhmat ka 1-Nartiang Constituency da wan ki wow kyrchaan ya u Generous Paslein kam u kyrtong MLA ka 1-Nartiang Constituency ha ka yalang wa pynman ha ka 8 tarik uni u bnai ha Ummulong.
Kiwa da kyrchaan wa da wan kynthup ki nadooh ki MDC warim wa kiwa da yaleh MDC ha u 2019 ryngkat u President warim ka Congress 1-Nartiang Constituency.
Ha kani ka yalang da emlang leh u pa u Generous Paslein, u Hilarius Dkhar.
Ki MDC warim kiwa da wan wow kyrchaan toh u Lightsing Shylla, MDC warim ka Ummulong-Moodymmai, u Moina Phyllut, MDC warim ka Nartiang-Umladang, u Hermon Phawa, MDC warim ka Wahiajer-Mukhla wa u Suklang Shylla, MDC warim ka Nongjngi.
Kiwi de toh u A.F. Kon, President warim ka Congress 1-Nartiang Constituency, u Jewel Synrem uwa man kam u kyrtong MDC ka Congress uwa da yaleh naka Nartiang-Umladang ha u 2019 wa u Albinus Sympli uwa man kam u kyrtong MDC ka Congress na Mynsngad-Khanduli Constituency 2019.
Kini waroh da pynsñiaw ki yei kyrchaan doh wa mynsien ya u Generous Paslein.
Puræ leh: Pynbna u Generous Paslein wow yakhun MLA naka 1-Nartiang Constituency
