Ka mukotduma PIL wa da yaleh da ka Synjuk Ki Waheh Chnong Jowai ha ka Meghalaya High Court heiyatoh wa i jhep, da chong bichaar biang ka ynnin ka 9 tarik.
Neiliang ka sorkar da khana ko wa da dep khut Tender yow chna ya ka Solid Waste Processing & Disposal Plant kawa khlanbor 10 TPD kawa daw em ha Khliehriat hei dor wa T. 13 klur.
Hajrong ini, ka synjuk da ong ko wa kani ka Plant toh kawa ye u chimpor u chna katwa kiwa chong chnong ka Jowai dang pteiñ ki wow chem chitom.
Neiliang ka Jowai Municipal Board (JMB) da pyntip ko wa da em i rukom pynbait kattu da boon bnai yow kit yei jhep na yung ki bru kamjooh na ki yaaw ki haat tangwa ka yung bichaar da ong ko wa ini ym toh iwa da biang deiwa phah ya ka Municipal wow pyntikna wa yei jhep da kit man-ka-sngi khlem yoh u lang ha ki yaaw ki haat kamjooh ki yung bru wa cha rood ka chnong.
Kamtæ da e por ya ka Jowai Municipal ar tayaw wow khana kammon u leh ko kat wym pu dep u chna ya ka Waste Disposal Plant deiwa khana bniah lyngba ka Affidavit.
Ya ka mukotduma daw chong bichaar biang ha ka 14-12-22.
