Kam chibynta yong ka Legal Services Day, ka District Legal Services Authority (DLSA), East Jaiñtia Hills District, Khliehriat chirup wa ki bor District wa ka yung krehkaam u District Medical and Health Officer da pynman ko ya ka Legal Awareness Programme Cum Health Camp hajrong ka phang “Empowerment of Citizens Through Legal Awareness and Outreach” ha Madan Mooknor, Narwan ha ka 9 tarik uni u bnai.
Ka District and Sessions Judge wa man leh kam ka Chairperson District Legal Services Authority (DLSA), ka C. Dkhar da ong ko da pynman ya ka Pan India Awareness cum Outreach Campaign da ki DLSA hapoh ka National Legal Services Authority (NALSA).
Da ong ko wa ka DLSA toh wow e yarap mynkna heiyatoh wa ki kaam wa yatoh wa ka aiñ cha ki manyung wa duna hei yoh i laa. Ka DLSA pait ko leh yei pynkrehkaam ya ki Scheme wa pynkrehkaam ki chnat sorkar wei wow pyntikna wa ki Scheme poi ki cha ki paidbah.
U Block Development Officer (BDO), Saipung C&RD Block, u Dr. R. Pyrtuh da khana u hajrong ki Scheme wa pynkreh ka Block Development Office kiwa kynthup ya ka MGNREGA, Pradhan Mantri Awas Yojana Gramin (PMAY-G), Members of Parliament Local Area Development Scheme (MPLADS), Special Rural Works Programme (SRWP), National Social Assistance Programme (NSAP), Chief Minister Special Development Fund wa kiwi de ki kaam yarap ya kiwa chong chnong. Da kyntu u ya ki paidbah wow wan cha ka Block Development Office wow yoh yutip hajrong kini ki Scheme wei wow pynpsiah pyrtuid ki ha ka e-SHRAM wa u Aadhaar Card.
U B. Jyrwa, Addl. Superintendent of Police, da batai u chaphang ka NDPS Act, u T. Kyndiah da batai u hajrong i maa na i chongkha dang khynnah, i hok ki khynnah, ka A. M. Nongtdu waka D. Lyngdoh kiwa man ki Para Legal Personnel da batai ki hajrong i awri ha yung, ka POCSO Act, ki One Stop Centre wei kammon krehkaam ki katwa u P. Dkhar won da batai u hajrong ki bru wa kyrpang kamjooh leh ki bru wa da noh i rta.
Kiwi ki chnat kiwa da chimbynta ha kani ka sngi toh ka yung krehkaam u District Agriculture Officer, District Medical and Health Officer, District Labour Office, Deputy Commissioner (Supply), wa kiwi kiwi.
Ha kani ka sngi ka District and Sessions Judge cum Chairperson District Legal Services Authority (DLSA), ka C. Dkhar da e ko ya ki Work Order cha ki le ngut hapoh ka PMAY-G Scheme katwa ka N.M. Momin, Chief Judicial Magistrate cum Secretary of District Legal Services Authority (DLSA), da e u ya ka MGNREGA Work Order cha ka chnong Sahkai.
Chooh chooh ha kani ka sngi da pynman ya i pynpsiah pyrtuid ha ka Aadhaar Card, e-SHRAM wei da em 192 ngut kiwa myntoi na ka Free Medical Checkup wa da pynman da ka District Medical & Health Officer.
