Ka Manipur da jop ko deiwa yoh takma ksiar ha waroh ar ki kyrdan yakob Cycling ka 2nd North East Olympic Games 2022 wa da pynman ha ki khloo ka Malki.
Ki yakob ynne toh ka Elite wa Junior Cross Country neibynta ki chynrang.
Ka yakob ynne toh deiwa skit soo sien (Laps) nadooh i thaw psiah cha khloo Malki deiwa ku chaneiñ cheiliang ka Shillong Peak wei da hiar biang sa chisien.
Ha kani ka yakob da em leh kiwa da mynsoo hawa pyrchang kiwa yah Cycle u poi thong wei da em leh ki Cycle kiwa da sih heiwa u Mesak Vanlalvena na Mizoram da yoh u yei thap-kti na ki paidbah uwa da pteiñ yei yah Cycle hanla da jngem i khmat u yow yoh takma tama.
Ya ka takma ksiar da yoh uwa yah Cycle ka Manipur, u Khundrakpam Ronel Singh, katwa u yong ka Meghalaya, u Kevin John Khyllait da yoh u ya ka takma rupa.
Hacwa ini ha ka kyrdan Junior, u AZ Thotmachan na Manipur da yoh u yei takma ksiar, u Pynshailang Khyllait na Meghalaya da yoh u ya ka takma rupa u katwa u Vanlalruata na Mizoram da yoh takma tama u.
Mynstep daw pyman ya ka Cycling ki kynthai ha ka Cross Country waka Downhill neibynta ki kynthai wa chynrang.
