Ka Mizoram da lait ko nei rem deiwa ye u jop hadien wa yoh ka Manipur 2-0 yow jop won da 3-2 ha ki yalehke ki chynrang ha ka Table Tennis ka 2nd North East Olympic Games 2022 ha NEHU Indoor Hall ynnin i miet.
Ka yalehke wa khaddooh da pyndep hadooh wa miet bha hadien wa pyn-eh ka Mizoram wow wan nadien yow lait nei rem yow yoh syndon ya ka takma ksiar deilang ka Trophy ya ka liang yong ki kiwa da saam da u President ka Meghalaya State Olympic Association, u John F Kharshiing.
Kini ki jooh ki ar jylla da yachem biang ki ha ka Final ki kynthai heiwa ka Mizoram da jop biang ko ya ka Manipur deiwa wan nadien.
Kiwa rem ha ka Semifinal toh ka Nagaland waka Meghalaya ha ki chynrang wa ka Meghalaya wa Tripura ha ki kynthai.
Ka yalehke yong mar samen daw sdang myntu.
