Ka Chatister Kharkongor Memorial Trophy 1st Division Football Tournament-2022 ka West Jaiñtia District Sports Association (WJDSA), Jowai da pyndep ya ka yakhun Semifinal wa khaddooh ynne ka sngi.
Ka yalehke wa da pynman toh hapyrdi ka Mukhla Raij waka Moosyiem Shangpung heiwa da jop da ka Mukhla da 2-0 kiwa da thap ha ka kylla step wa ha ka kylla miet da u Deini Suna ha ka minit wa 36 wa u Shirup Suting ha ka minit wa 73.
Kamtæ ka yakhun Final u man ko hapyrdi ka Sailung Ialong waka Mukhla Raij ha ka tarik wa daw pynbna hadien.
