Ka Meghalaya da yoh ko ya ka takma ksiar wa nyngkong ha ka 2nd North East Olympic Games lyngba u Willbornson Wahlang uwa da jop ya ka MTB Downhill Hardtail Men’s Race wa pynman ha khloo Malki ynne.
Ka Meghalaya da khur lut ko ya ki takma ha kani ka yakob deiwa yoh ya ka rupa wa tama da u Amedius Therlang Marbaniang wa u Nicholas Syrti. Du ar Second yapher uwa yoh nyngkong hadooh wa le heiwa u Wahlang da pyndep u 2 mins, 23 secs hakhmat u Marbaniang (2:24) wa u Syrti (2:25).
Ka Manipur da yoh takma ksiar ko lyngba u Thokchom Tennyson Singh (2:08) ha ka MTB Downhill Full Suspension Men’s Race, deiwa pyntam ya u yong ka Meghalaya, u Dame Wanki Ha-o Suiam (2:15) wei da yoh wa le da u yong ka Manipur biang, u Kshetrimayum Jack Singh (2:19).
Ha ka yong ki kynthai (Women’s Open Cross Country Race), ka Lindum Iakia na Arunachal Pradesh da yoh nyngkong ko (9 minutes, 42.00 seconds), ki arngut ka Manipur kitæ ka Pangambam Priya Devi (9:43.44) da yoh wa ar wei hei wa le da yoh ka Haomon Urbashi Devi (9:48.10).
Ynnin ha ka kyrdan ki Junior, u AZ Thotmachan na Manipur da yoh takma ksiar u, u Pynshailang Khyllait na Meghalaya da yoh takam rupa u wa u Vanlalruata na Mizoram da yoh takma rupa u. Ha ka Elite Men’s Cross Country, da yoh takma ksiar da ka Manipur lyngba u Khundrakpam Ronel Singh, ka takma rupa da u Kevin John Khyllait na Meghalaya wa u Mesak Vanlalvena na Mizoram da yoh takma rupa.
Yei saam takma da pynman ynne hi ka sngi deiwa em ka Dr. M Ampareen Lyngdoh MLA kam ka kongsan deilang wa u Additional CEO ka NEOG 2022 wa Secretary ka sorkar Meghalaya, u Cyril VD Diengdoh.
Kiwa yah Cycle daw yoh ki wow chong ngiah ar sngi chwa wow chimbynta ki ha ka 80 km Road Race na Shillong cha Mawthadraishan ha ka 15 tarik.
