Ka Eucharistic Procession wa chisen chi snem ka Shillong Archdiocese ka Balang Catholic da pynman ya ka ynne hadien ar snem neidaw wa em ki kyndon ka khlam COVID-19 heiwa da wan da kiwa boon ngut ki bru ym du na Meghalaya, tangwa na kiwi ki thaaiñ ka North East wei da antaad wa daw em hadooh 1 lak ngut kiwa da wan chimbynta.
Da man ko ka Eucharistic Procession kawa sahkynmoo heiwa da man ko ka Procession wa nyngkong hapoh i pait u Fr. Victor Lyngdoh, nadooh who man u kam u Archbishop wa soo ka Archdiocese ka Shillong ha u snem 2021 hadien wa khlaad noh u Rt. Rev. Dominic Jala.
Ka Eucharistic Procession toh kawa da leh da ki Catholic hei sien wa nyngkong nadooh u snem 1247 ha Liege, Belgium. Wei hadien arphaw snem u Pope Urban IV da phah pynman u ya kani ha kylleiñ ka pyrthai.
Hawa klam hawa pynkut ya kani ka Eucharistic Procession, u Archbishop Victor Lyngdoh da ong u wa u Jisu emlang u ha pyrthai ym du ha bneiñ ha kani ka Eucharist wa kyntang.
Ynne ka sngi da man ko leh kam chibynta i kut ka lehkmen wa waroh chi snem da ki Balang Catholic waphær waphær.
U Archbishop Victor da ong u wa hanla kini ki lehkmen da kut noh ki, toh u kynmoo u kheiñ i ya iwa da yoh kyrkhu i wei ym toh u mylliñ i yeini.
