U President ka Federation of Khasi Jaiñtia and Garo People (FKJGP), u Dundee Cliff Khongsit da phah wyrta u deiwa khor cha ka sorkar deiwa ong ham ngiat ware ya ki seiñbhalang cha chram ya boi daw hap ki wow yakhun pyrchah.
Ini i klam u heh ka FKJGP toh hadien wa mih u na chah hajir ha ki pulit ha Sadar Police Station ynne ka sngi. Da ong u wa i khut hajir ya ki heh ka seiñ man la kamwa lai chong Class wa e ka sorkar wa kammon wow pynskem ki ya ka yurim wei kammon wow lai chaphrang heiyatoh wa i dooh kreh ki khynroo iwa ka seiñ booh ko haphrang dooh.
Ki pulit da phah hajir ko ynne sa ya u khliehdooh ka FKJGP hajrong i awri awra wa mih na ka Rally hajrong i dooh kreh iwa da pynman ka seiñ ha ka 28 tarik u Naichiphaw.
Ka chnat Pulit da Register Case ki ya ki heh ka FKJGP hapoh Sadar Police Station wa ha Laitumkhrah Police Station hajrong i chah dat ki bru wa lai wa wan wa i pynsih ya ki kari da kiwa lai chimbynta hei lai lai paidbah ha ka thaaiñ Police Bazaar, Malki wa Dhankheti.
Ynne heipor 11:00 waje i step ki pulit da phah hajir ki sa ya u President ka seiñ, u Dundee C Khongsit ha Sadar Police Station heiwa da pynngat ya oo ha ki jooh ki kyndon wa da pynngat ya u General Secretary u Eldie N Lyngdoh wa ya u Senior Vice President u Elton Cliff Warjri wa kiwi ki heh ka seiñ.
