Ynne ka 14 tarik u Khonchonglad toh ka sngikha u Pandit Jawaharlal Nehru, ka sngi wa da e naam da ka sorkar India kam ka Children’s Day næ ka sngi kyrpang ki khynnah.
Kamtæ kamwa man ha kiwi ki bynta ka ri India, ki khynnah yoh ki yei lehkmen lehburom ha ki dur ki rukom waphær heiwa neiliang ki bor pait bor pynlai ka Loompyrdi Iongpiah School, Jowai leh ha ka thong yong kani ka sngi da chim ko u pynman ka yalang wa kyrpang ha Yungwalieh heiwa kiwa sikai dei sñiaw maya ya ki khynnah da chim ki wow pynkmen pynka-it ya ki da ki lehke waphær kam ki chaad, ki rwai, Fancy Dress wa kiwi.
Ka Nitu Shullai, Head Teacher Loompyrdi Iongpiah School hawa e kyntien chwa wow ku tyngkong kiwa sikai u pynyoo yei sap i ka-it yong ki, da pynsñiaw ko ha ki khynnah chaphang u Pandit Jawaharlal Nehru wei da pachat ko leh ki kyntein sneiñ kyntien kroo ya ki khynnah wow man kiwa tip u ri yei burom i akor wei minot hei puræ puthi yong ki khnang wa ka mynstep ka mankawi yong ki u man ko kawa em naam em burom.
