Wai u Conrad ya ka Block wa thymme ha North Garo Hills

U Montri Rangbah ka jylla, u Conrad K. Sangma ynne da wai u ya ka Block wa thymme ka jylla, ka Adokgre C&RD Block ha North Garo Hills hei emlang ki MLA wa kynthup ya u Rupert Momin wa u Pongseng Marak.

Ka Adokgre Block da phiah ya ka na ka Kharkutta C&RD Block, kawa man kawi na ki Block warim dooh ha ka jylla kawa em 178 tylli ki chnong katwa kani ka Block wa thymme u em ko 43 tylli ki chnong wa ki 10,000 tylli ki manyung. 

U Conrad hawa e yei klam da ong u wa PA Sangma da yajan bha u wa ki bru ka Adokgre wei da jooh parom u yeiwa kwah u wow pynkylla ya kani ka thaw. Katni dap u dei sñiawkmen wa da yoh ya kani ka Block wa thymme wa da dawa da slem bha wei i em kani ka Block daw yarap bha ko ya ki paidbah wow yoh myntoi na ki Scheme sorkar. 

Da ong u wa nadooh u 2018 ka sorkar da kreh ko wow sdang ya ki yung krehkaam wow pynsuk ya ki paidbah khamtam ki palatsor ha kylleiñ ka jylla.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Chooh chooh da ong u wa u pa yong oo uwa da jooh man leh kam u Speaker warim ka Lok Sabha wa kam u Montri Rangbah, u P.A. Sangma, da kwah u wow chna ya ka Stadium ha Adokgre, wei katni da em ka Chenanggre Stadium ha Adokgre kawa daw dep noh i kreh ya ka.

Da ong u leh wa ka sorkar daw yaleh ko wow wanrah ya i synchaar chajan ki paidbah deiwa chna ya ki C&RD Block wa ki Sub-Division wa thymme.  

Ha kani ka sngi u Conrad da wai u leh ya i yung krehkaam wa chipor yong kani ka Block wa thymme.