Ka Manipur wa Mizoram da yoh ki ya ka takma tama ha ka yalehbol ka 2nd North East Olympic Games 2022 ynne ha madan Polo.
Ka Manipur da yachem ko waka Nagaland haka U-21 ki chynrang yow yaknieh yoh wa le heiwa ka Manipur da jop ko da 4-3.
Ha ki yong ki kynthai ha ka U-17, ka Mizoram da jop ko yaka Sikkim da 3-1.
Ya ka Manipur da thap kool da u S Doungel ha ka minit wa 6 tangwa ka Nagaland da su kylliang ko lyngba u Vhoto ha ka minit wa 12. Ka Manipur kawa da rem ha ka Meghalaya ha ka Semifinal, da pyntam ko biang ko ha ka minit wa 33 lyngba u M Simte.
Ka Nagaland da ye ko wow su biang chi kool ha ka minit wa 51 lyngba u Thulunso (51′) tangwa da chah thap ko ar kool ha ka Manipur lyngba u N Binode Kumar Singh (54′) wa sa chi kool na u Doungel (62′). Ka Nagaland da ye ko wow thap kool ha ka minit wa 90+1 lyngba u Neisede tangwa ym em por de.
Ha ki yong ki kynthai won, waroh ki kool da thap ha ka kylla miet heiwa ya ka Mizoram da thap da ka Lalrinmawii (10′, 45’+1) wa chi kool naka Gladys katwa ya ka Sikkim da thap da ka Simran Gurung.
