Ka Manipur da yoh biang ko sa kawi ka takma ksiar ha ka 2nd North East Olympic Games 2022 deiwa jop yaka Final ka U-17 ki kynthai pyrchah yaka Arunachal Pradesh ha madan ka MFA wa em ha madan Polo ynne i step.
Ka Player of the Match, ka S Lynda Kom da yoh ko ar kool (29′, 44′) ha ka kylla step dep te da ban biang ka Manipur sa ar kool ha ka kylla miet da ka L Babina Devi (62′) waka L Shelia Devi (87′) yow pynjop da 4-0.
Kani ka liang ka Manipur da em ko leh 7 ngut kiwa yalehke ka India U-17 kiwa da pynyoo yei sap ki wow pynskit ya ka bol.
Ka yaknieh yoh nyngkong hei yoh takma ksiar da ya thaiñ bha heiwa hadoh wa kut ynni i meit, ka Manipur da tam ko ya ka Assam da 78 la 75 wei wa ini da ku cha 79.
Ka Final ki chynrang U-21 leh toh kawa da pynman ynne hi hapyrdi ka Mizoram wa Meghalaya.
