Ka Dorbar Chnong Ladrymbai Khlieh Dupon hajrong i chah kem uwi u baar jylla ha ka 15-11-22 ha ki pulit ka Ri-Bhoi District wa tip pyrtuid u Abdulla Hussain uwa kam wa toh uwa chong chnong ka Ladrymbai Khlieh Dupon.
Neiliang ka Dorbar Chnong da pynche ko wa u Abdulla Hussain ymtoh uwa chong chnong wa pura ka Ladrymbai Khlieh Dupon tangwa uwa chong dai dukan hapoh Ladrymbai Khlieh Dupon donhi.
Neiliang ka Dorbar Chnong da beiñ joor ko ya kam kini ki baar jylla wa daisarom ya ka chnong.
Chooh chooh neiliang u waheh chnong da ong u wa neiliang yong ki ym elaad ki ya kam kini ki bru wa daisarom ya ka chnong.
Kam wow kdaw heini wa ki pulit ka Ri-Bhoi da yoh ki wow kem ya arngut kiwa khayi tooh yei ksiar iwa khia 2.34 Kg wa chongdor T. 1.5 klur, da yoh leh wow kem yaka poisa wa T. 10.89 lak, kawi ka kari Scorpio, 5 tylli ki Smart Phone wa kawi ka Laptop.
