Ki chipai ka 172 Bn BSF, BOP Hingaria, EJH ha ka 16 tarik uni u bnai da yoh ki wow kem ya ki yusem Saree deilang wa ki dawai biah khmat (Cosmetics) kiwa da thmu wow chalan tooh cha Bangladesh lyngba ka East Jaiñtia Hills.
Kini waroh toh kiwa da chongdor T. 10,20,200.
Ha ka 13 tarik uni u bnai, ka E-Coy ka 193 BN BSF da yoh ki wow kem ya ki dawai biah khmat wa chongdor T. 30 lak kiwa da thmu wow chalan tooh cha Bangladesh lyngba ka East Khasi Hills District.
Ka jooh ka 193 BN BSF ha ka 9 tarik uni u bnai da kem biang ki ya ki dawai biah khmat wa chongdor T. 17 lak kiwa da thmu wow chalan tooh cha Bangladesh na East Khasi Hills hi.
Ha ka 3 tarik uni u bnai won, ki BSF deiwa ya krehlang wa ki pulit ka Meghalaya da yoh ki wow kem ya 3 tylli ki kari wa kit ya 25 tylli ki masi dei thmu wow chalan tooh cha Bangladesh lyngba ka West Jaintia Hills.
