Jowai: Ka Society for Action in Community Health (SACH) lyngba ka School Sanitation Project Construction and Implementation, da chna ko ya ka paikhana warap kyrpang ha ka Umdienlieng, Government Lower Primary School, Umdienlieng, West Jaiñtia Hills District, kawa da bah poisa da ka HDFC Bank Limited.
Ya katai ka paikhana da chna katkam ka juk wa katni kawa lait na i sma na kiwa jooh man kiwa boon ki paikhana.
Ya kani ka paikhana hadien wa da dep u chna ya ka nadong chadong, ka SACH da e kti ko ya ka cha kani ka skur yow pynemkaam ha kani ka 14 tarik uni u bnai.
Neiliang kiwa pyllai ya ka skur kamjooh ki wa sikai yong ka tai ka skur pynsñiaw ki yei sñiawngooh ya ka SACH wa jied ki ya ka skur yong ki wei kani ka paikhana daw yarap bha ko ya ki khynnah hei leh khooid wei kamjooh i chait i khiah yong ki.
Da kyntu ki leh ya ka SACH yow theh yarap waphær waphær cha ki skur yong ki thaiñ nongkyndong.
Discussion about this post