Ynne ka sngi da wai ya ki soo tylli ki kreh ha ka yalang wa man ha Namdong, West Jaiñtia Hills heiwa u Montri Rangbah ka jylla, u Conrad Sangma da man u kam u kongsan hei emlang u Montri ka chnat Pynroi Sor, u Sniawbhalaang Dhar, u MLA ka Jowai u Wailadmiki Shylla wa kiwi kiwi heiwa da pynlait leh ya ki ar tylli ki Ambulance wa da e yarap da u Sniawbhalang cha ka KSU Namdong Area waka FKJGP Nartiang Area.
Hadien kani ka yalang hawa yaklam wa u Wyrta, neiliang u Conrad da kyrmen skem u wow leh bha ka NPP hapoh Ri-loom Jaiñtia ha kani ka Election MLA 2023.
Da ong u leh wa em i eh i khor, wei em ki bynta kiwa hap wow kreh ya ki bynta wa angnood wei sñiawkhia ki paidbah wei ka sorkar daw leh ko yeiwa emkaam hajrong ini.
Chooh chooh da ong u wa ki paidbah ka Ri-loom Jaiñtia wa ka jylla da yoo ki ya ki kaam wa da leh ka sorkar wei ngait skem u wa ki paidbah daw jied biang ki ya ka NPP.
