Ampati : Ha kani ka pyrthai dooh khih dooh khan ki khynnah khynroo khyllood, ka sorkar da pynman ko ya ka prokram kawa tip kam ka “Awareness Programme on Housekeeping and Security Guard” hapoh ka Meghalaya State Skill Development Society (MSSDS) ka wow pynche paidbah ya i kreh sonteri (Security Guard) wa Housekeeping namo kamon wow pynkhooid yung, u chet u tu, u thied tiar thied tar wa man kat kam ka juk wa katni.
Ya kani ka programme da pynman ha South West Garo Hills, ha Ampati Multi Facility Centre. Da em kamwa 100 ngut ki khynroo khyllood na Ampati, Zikzak, Betasing wa Mahendraganj wa wan chimbynta ha kani ka programme wa pynman da ka bor District ka South West Garo Hills hei yakrehlang wa ka company na Delhi ka Peregrine Guarding Pvt Ltd.
I thmu wa kongsan dooh yong kani ka programme toh wow e ha ki khynnah khynroo khyllood ya kiwa boon ki sap yow man ki kiwa ye ki bru u thung kreh kam ki Security Guard wa ki wa kreh ya ki kaam yung wei wow yarap kani ka company wow pynyoh kreh ya ki.
U kongsan ha kani ka sngi u DC ka South West Garo Hills u C V D Diengdoh pynchlur u ya waroh wow chim kabu ki ya ini i esikai ka sorkar neibhah da thmu wow sikai ya 60,000 ngut ki khynroo ka district lyngba ka MSSDS yow yoh kreh ha kiwa boon ki thaw hapoh ka jylla wa kamjooh ka ri.
Ha kani ka sngi u Sher Singh Yadav da pynyoo u kammon u pynemkaam ya ki Walkie-Talkie, tadong tympleh diñ (fire extinguishers) wa i rukom sylli ya u bru (Frisking) wa suba wa rah tiar pynmynsoo wa kiwi.
Da pynoo leh da ka PowerPoint ya kiwi tawan ki sikai wa e kani ka Company wa kiwa da yoh myntoi na ka.
Discussion about this post