Ka Society for Urban and Rural Empowerment (SURE) lyngba ka Project Link Worker Scheme kawa da kyrchaan da ka Meghalaya Aids Control Society (MACS) da pynman ko ya ar tylli ki Health Camp wow e dawai mynkna ha ki chnong kiwa haap hapoh ka Amlarem Sub-Division, West Jañtia Hills District.
Ya ini i e dawai da kyrchaan leh da ka yung krehkaam u District Medical Health Officer, West Jaiñtia Hills, Jowai lyngba ki Doctor, ki Nurse wa ki Pharmacist wa kamjooh leh da ki dawai kiwa da pynbiang da kani ka yung krehkaam. Kini ki chnong toh kiwa ha thaaiñ khappood ka India wa ka Bangladesh.
Ha ka 30 tarik u bnai wa dep da pynman ha chnong Amlanai, Elaka Satpator heiwa ki Doctor da wan ki na Pdengshakap PHC hei emlang u Dr. P. Lamare waka Nurse Patricia Myrchiang.
Ha ka 26 tarik nawon da pynman ka chnong Pasadwar neibynta ki artylli ki chnong ka Pasadwar wa ka Lumpyngngad kiwa em hapoh ka Amlarem Sub-Division.
Ha ini i e dawai da emlang u Dr. Simon Khonglah na ka Dawki PHC wa ki Nurse, ka Sharmala Tongper, ka Genconda Khonglah wa u Venus War kiwa kreh ha kani ka PHC.
