Ka Meghalaya da yoh ko yaka National Award deiwa ye u poi thong u pynkrehkaam ya 448 tylli ki Health and Wellness Centres (AB-HWCs) hapoh ka Ayushman Bharat Comprehensive Primary Health Coverage Program.
Ya kani ka khusnaam da lai pdiang da u Mission Director ka National Health Mission (NHM), Meghalaya, u Ramkumar S (IAS) waka Dr. Rilynti Lyngdoh, Jt. Director Health Services (MCH&FW) cum State Nodal Officer CPHC, ha ka Convention wa ar sngi yong ka “Universal Health Coverage Day (UHC) 2022”, wa pynman ha Varanasi, Uttar Pradesh da ka Ministry of Health and Family Welfare.
“Kani toh ka burom yaka jylla wow ye u pynkrehkaam ya palat 425 tylli ki Health and Wellness Centers. Wei da ye i wow leh yeini hapoh i por wa da booh deiwa kreh chitom kiwa kreh hapoh ka District wa jylla khamtam ki Mid-Level Health Providers (MLHP) kiwa em ha ki chnong ki thaw, kiwa da e lut ya waroh yow pyntikna wa ki HWC u ye ki wow e yei sumaar sukhær cha kiwi pa kiwi kiwa chong chnong,” da ong ka Dr. Rilynti Lyngdoh.
Hapoh ini i pynkrehkaam, da em 18 tylli ki Urban Health Centre, 114 tylli ki Public Health Centre wa 318 tylli ki Sub-Centre kiwa da pynku cha ki AB-HWC hapoh Meghalaya. Kini ki HWC toh kiwa da em ka thong wow e yei chakri ym du hawa kha khon deilang leh ki kjut wym ye u poor, ki kjut khmat, ki kjut chkoor, khmut, u chyoh, i chitom pyrkhat pyrdaiñ kamjooh ki sumaar wa jhan, deilang ki dawai wa mynkna kamjooh i pait i sylli ki Doctor dei mynkna.
Ki Health & Wellness Centres ha Meghalaya da dep pynman ki leh ya 60,000 tylli ki Tele-Consultation hapoh chi snem, iwa man leh iwa ar wa boon dooh hapoh ki jylla ka thaaiñ North East.
Da pyntip leh wa daw pynkup burom ya kiwa kreh hei chait i khiah hapoh ka jylla ha kini ki sngi wow wan.
