Ka Dorbar Chnong Moolamylliang da pyntip ko wa ha uni u snem leh daw booh biang ya ki pynriam khrik-khrak namo ka Christmas Lights Extravaganza kawa daw wai paidbah haka 17 tarik uni u bnai heipor 5:00 waje i janmiet da u Frederick Roy Kharkongor, uwa man kam u Chief Electoral Officer, Meghalaya kam u kongsan wa u Abhilash Baranwal, Deputy Commissioner, East Jaiñtia Hills kam u symboon kongsan wei daw yoh leh yei rwai wa kyrpang da u Eladmitre Dkhar uwa na Jowai.
Ha ki sngi wa bood ki paidbah ye ki wow wan nadooh 4:00 waje i janmiet wei u pteiñ yeini hadooh ka 03-01-23.
Ka Dorbar Chnong da pyntip ko wa ha uni u snem i pynriam i pynwandur toh da iwa thymme na iwa da leh ynnin u snem.
Haka 18 tarik daw em ka Bonfire waka Giant Screen yow pait World Cup. Hei janmiet ka 22 wa 23 tarik daw em ka Concert, ki Group Dance, Beat Boxing wa ki tem rwai Christmas na u DJ Poihamei wa u DJ Tremiky.
Haka 24 tarik won daw em ka Carol wei daw wan tem da ka Orchestra Band na ka chnong Sakhain heipor 6 waje i janmiet.
Ya ki khrik-khrah daw pynche man i janmiet nadooh 5:00 waje hadooh 12 waje pyrdi synyaw.
Ha uni u snem ye leh wow sahmiet heiwa da pynkhreh ya ki Tent da ka chnong Moolamylliang, wei da ya krehlang leh wa ka Hotel Tista wa em ha Khliehriat kawa da booh leh ya ki thaw dai baam wa ki thaw sah ha Khliehriat.
Ha uni u snem ka bai psiah man ko T. 50 samen.
Yow tip bniah yei phi u Phone ha kini ki Number: 9862889655/8131061998/8732875321/7742307038.
