Ka Seiñraij Ionglwit, West Jaiñtia Hills da pyntip ko cha ki khon ka Nongjngi Circle wa daw pynman ko ya ka yakob miat kynthai kawa tip kam ka 4th Beauty Contest ha ka 30 tarik uni u bnai Kmaichonglad (Dec) heipor 6:30 i janmeit kam ka dak wow lehwarom ya ka sngi wa khlaad u Woh Kiang Nangbah u khlawait ka jaitbru Pnar.
Ha kani ka sngi daw em leh ki chaad tynre wa ka Fancy Dress yong ki khynnah kiwa hapoh 15 snem kam wow pynwyrngia ya kiwa paitke.
Katwa kamtæ ka Seiñraij Ionglwit lyngba kani ka Wyrta khut ko ya waroh ki khon khyllood ka thaaiñ Nongjngi wow wan chimbynta ha kani ka yakob miat kynthai wa soo yong ka Seiñraij Ionglwit.
“Ngait skem i wa lyngba i chimbynta yong phi ki khon khyllood u man ko kawa phooh waphieñ wei kawa jop,” da ong ka kyrwoh naka Seiñraij Ionglwit.
Ki Prize man ki kamini hawah:
Winner- Rs. 10,000
1st Runner Up- Rs. 5,000
2nd Runner Up- Rs. 3,000
Ka bai Register man ko Rs. 200.
Ya ki yutip wa bniah ye u Phone ha ki Number: 9366546739/8837071932.
Kani toh katkam ka Wyrta na u General Secretary yong ka Seiñraij Ionglwit u Precioustone Rumut.
