Da ka 7th Winter Camp & Youth Leadership Training pynman ka MBS&G, West Jaintia Hills

Ki khynnah skur wa man kam ki Scouts-Guides, Rovers-Ranger na ki skur waphær da wan ya chimbynta ki ha ka 7^th Winter Camp & Youth Leadership Training wa da pynman ha chnong Mukhla nadooh ka sngi Hat 8 tarik hadooh ka sngi Musiang 12 tarik Kmaichonglad.

Ya kani ka 7^th Winter Camp & Youth Leadership Training da wan wow wai da ka A.P. Syiem, District Chief Commissioner & District School Education Officer, West Jaiñtia Hills kam ka kongsan hei emlang ka Saramai Tariang, Vice-President MBS&G, West Jaiñtia Hills kam ka symbood kongsan chirup leh u Adiam U Bthuh, District Secretary MBS&G West Jaiñtia Hills katwa u W. Lyngdoh, State Secretary MBS&G, State Headquarter Shillong da wan u wow man kam u kongsan ha ka Grand Campfire wa da pynman ha ka 11 tarik Kmaichonglad.

Ha kani ka 7^th Winter Camp & Youth Leadership Training da e i sikai wa kyrpang ya ki khynnah Scouts-Guides, Rovers-Rangers chaphang ki bynta yong ka Scouts-Guides Movement kiwa kynthup ya i rukom kdoh tylle (Knotting & Lashing), i rukom chna ya ki thaw buhtiar buhtar (Gadget) hawa lai Camping, First Aid, Trekking, Whistle Signal, Estimation, Compass & Mapping wa ki bynta wa yatoh wa ka Leadership.

Ki Unit Leaders kiwa da embynta hei wow e sikai wa kyrpang ya ki khynnah skur ha ki san sngi yong kani ka Winter Camp toh u Pet Dhar, u Julius Lyngdoh, u Carefully Gassah, u Teilangki Rymbai, u Sonniwel Shylla wa u Adiam U Bthuh kiwa man kam ki Scouts Master neitæ ki Guides Captain won toh ka Caredaline Kharbhih, ka Barisha Muthoh, ka Morinda Myrphet, ka Grecorisa Sana, ka Aidasuk Warlarpih, ka Stamlish Hinge, Ka Sngi Hadia, ka Barisha Muthoh, ka Siami Shylla, ka Lamisakani Dkhar, ka Chwadaka D. Laloo wa ka Marjuri Thma.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yoosuk chirukom u sakhi yei chongchit ka-it ki khynnah Scouts-Guides, Rovers-Rangers wow ya embynta ha kani ka Winter Camp wa chisien chisnem wot hapyrdi i kjam i daithah yong ka tlang, u chong u thiah u dem ha ki yung Tent dei yatylli wei man i sñiaw kam chipayu yow pyndep ki yei kaamram wa toh u leh nadooh wa khai hadooh wa thiah deiwa man i sñaiw wa kmen ka-it.