U District Magistrate ka East Jaiñtia Hills da pyntip u wa ka krem Liat Prah wa em ha Shnongrim toh kawa kordor bha hapoh ka District kamjooh ha ka jylla waroh kawi tangwa da em ko hei maa neidaw wa em kiwa tih marpohkhyndaw hajan yong ka.
Hadien wa phah lai pait leh da ki bru u DC, da chem wa em ki sabut wa pynyoo wa em kiwa da tih pyrchah ya ka aiñ hajan kani ka krem, kamtæ da pynkrehkaam noh da ka Section 144 CrPC yow khang ya kini ha wah:
Da khang wow tih ya kiwon kiwon ki jait marpohkhyndaw hajan kani ka krem.
Da khang leh wow pynemkaam ya ki tiar tympdung (Explosives) hajan kani ka krem neibynta kiwon kiwon ki jait kaam.
